kutubhona

«لِكُلِّ غَادِرٍ لِوَاءٌ يَوْمَ الْقِيَامَةِ يُرْفَعُ لَهُ بِقَدْرِ غَدْرِهِ أَلاَ وَلاَ غَادِرَ أَعْظَمُ غَدْرًا مِنْ أَمِيرِ عَامَّةٍ»

«Ҳар бир ғодир (алдамчи ғаддор) учун қиёмат куни бир байроқ бўлади. У унинг қанчалик ғаддорлигига қараб кўтарилади. Огоҳ бўлингки, омма амиридан кўра катта ғаддорлик қилган ғодир бўлмайди». Муслим ривояти. Демак фуқаро манфаати йўлида бор кучни сарфлаб жидду жаҳд қилишни ва уларга насиҳат қилишни Росулуллоҳ с.а.в. қаттиқ таъкидладилар. Юқорида баён қилинганлардан бу тўғридаги масъулият жуда катта эканлиги аниқ кўриниб турибди. Энди омма мол-мулкларига дахл қилишга келсак, Шореъ бундан қаттиқ огоҳлантирди. Росулуллоҳ с.а.в. волийларидан бирининг шундай дахл қилганини кўрган пайтда уни қаттиқ қораладилар ва унинг тўғрисида одамларга хутба қилдилар. Абу Ҳамид ас-Соидийдан ривоят қилинишича Набий с.а.в. Ибн Латбияни бани Салим закотлари устидан омил қилиб тайинладилар. У Росулуллоҳ с.а.в. ҳузурига келгач Пайғамбаримиз с.а.в ундан ҳисоб сўрадилар. Шунда у: мана бу сизларга, буниси эса менга қилинган ҳадядир, деди. Буни эшитиб Росулуллоҳ с.а.в.:

«فَهَلاَّ جَلَسْتَ فِي بَيْتِ أَبِيكَ وَبَيْتِ أُمِّكَ حَتَّى تَأْتِيَكَ هَدِيَّتُكَ إِنْ كُنْتَ صَادِقًا؟»

«Агар рост айтаётган бўлсанг ҳадянг келишини кутиб ота-онангнинг уйида ўтиравермайсанми?», дедилар. Шундан сўнг Росулуллоҳ с.а.в. туриб одамларга хутба қилдилар, Аллоҳга ҳамду сано айтиб бундай дедилар:

«أَمَّا بَعْدُ فَإِنِّي أَسْتَعْمِلُ رِجَالاً مِنْكُمْ عَلَى أُمُورٍ مِمَّا وَلاَّنِيَ اللَّهُ فَيَأْتِي أَحَدُكُمْ فَيَقُولُ هَذَا لَكُمْ وَهَذِهِ هَدِيَّةٌ أُهْدِيَتْ لِي، فَهَلاَّ جَلَسَ فِي بَيْتِ أَبِيهِ وَبَيْتِ أُمِّهِ حَتَّى تَأْتِيَهُ هَدِيَّتُهُ إِنْ كَانَ صَادِقًا؟ فَوَاللَّهِ لاَ يَأْخُذُ أَحَدُكُمْ مِنْهَا شَيْئًا بِغَيْرِ حَقِّهِ إِلاَّ جَاءَ يَحْمِلُهُ يَوْمَ الْقِيَامَةِ»

«Аммо баъд. Мен сизлардан бир қанча кишиларни Аллоҳ менга топширган бир қанча ишлар устидан омил қиламан. Шунда биттангиз келиб буниси сизларга, буниси эса менга қилинган ҳадядир демоқда. Агар у ростгўй бўлса ўзига ҳадя келишини кутиб ота-онасининг уйида ўтиравермайдими?